"General Motors" təzminat ödəyəcək

ABŞ-ın ən böyük avtomobil şirkətlərindən biri olan General Motors (GM), satışa çıxardığı avtomobillərin  işə salma açarının nasazlığı nəticəsində baş verən qəzalarda ən az 21 nəfərin həyatını itirdiyi bildirib. 

"General Motors" şirkətinin vəkili Kennet Feinberqin, bildirdiyinə görə şirkətə ölüm hadisələri ilə əlaqədar 143 müraciət daxil olub lakin bu müraciətlərdən 21-nə təzminat ödəniləcəyi barədə məlumat verib. 

Feinberq, baş verən qəzalarda yaralanmalarla əlaqədar edilən təzminat tələbinin sayının 532-e çatdığını, bunlardan isə 16 zərərçəkənin təzminat almaq hüqüqu qazandığını ifadə edib.

"General Motors"un  bir vəzifəli nümayəndəsi qeyd edib ki,şirkətə daxil olan müraciətlərin bəzilərində təzimant almaq üçün əsaslı səbəblərin olamdığı aşkarlanıb.

Qeyd edək ki, "General Motors", əvvəlki aylarda işə salma açarının nasazlığı nəticəsində qəzalarda ölən adamların  sayının 13 nəfər olduğunu bildirmişdi ancaq daha sonra, şirkət tərəfindən vəzifələndirilən və müstəqil ekspertlərdən ibarət təzminat komissiyası, ölü sayının şikətin  ifadə etdiyi kimi 13 deyil, 19 olduğunu təsbit etmişdi. 

General Motors hər bir ölüm hadisəsi üçün  zərərçəkmişlərə ən az 1 milyon dollar vəsait  ödəyəcək. Onu qeyd edək ki, ölən adamın həyatda qalan, həyat yoldaşı daxil olmaqla öhdəçiliyi olduğu hər bir nəfər üçün də 300 min dollar təzminat ödəyəcək.

Ziya Rəhmanov

Ölkə.az