\"Moldova Avropanın yeni qaynar nöqtəsinə çevrilə bilər\"

"Moldova üçün təhdidə çevilmiş təhlükəsizlik böhranı bu ölkə sərhədlərindən kənara da çıxa bilər"

Ölkə.Az xəbər verir ki, bu fikirlər Avropa Şurasının baş katibi Turbyorn Yaqland "The New York Times" qəzetində yazdığı məqaləsində yer alıb.

Baş katib yazır ki, Moldova hökuməti islahatlar keçirməyə tələsməlidir və ölkə yeni qaynar nöqtəyə çevrilə bilər.

"2009-cu ildə hakimiyyətə gəlmiş Avopa yönümlü siyasi qüvvələr iqtisadiyyat və dövlət institutlarının daha açıq olması üçün kifayət etməyib. Dövlət hələ də oliqarxların əlindədir, korrupsiya çiçəklənir. Həddindən aşağı gəlirlər yüz minlərlə moldovalını daha yaxşı həyat üçün ölkəni tərk etməyə məcbur edir. Dövlətin bacarıqsızlığının təcəssümü isə ötən ilin sonunda üç bankdan milyard dolların itməsi olub.

Əgər hakimiyyət korrupsiya ilə mübarizədə konkret addımların gözlənilməsi məqsədilə dayandırılmış xarici maliyyələşmənin bərpa edilməsi üçün lazımi addımları atmasa, yaxınlarda ölkə ciddi iqtisadi problemlərlə üzləşə bilər", - deyə Yaqland qeyd edib.

Onun fikrincə, son aylar Moldova ilə Dnestryanı arasında münasibətlərin pisləşməsi müşahidə edilir və bu cür gərgin çevrədə vəziyyət nəzarətdən çıxa bilər.

Rəşid Mustafazadə

Ölkə.Az