İranda iki sərnişin artıq çəkiyə görə təyyarədən endirildi
İranda iki sərnişin artıq çəki səbəbi ilə təyyarədən endirilib.
Ölkə.Az “Haber Global”a istinadla xəbər verir ki, hadisə İranın paytaxtı Tehranın “Mehrabad” hava limanında baş verib.
Belə ki, Tehran-Hürəm Abad səfərinə hazırlanan təyyarədə artıq çəki olduğuna görə iki nəfərin könüllü enməsi tələb edilib. İki saat gözlədikdən sonra ağır çəkili 2 sərnişin təyyarəni tərk edib.
Bu barədə qəzəblənən sərnişinlərdən biri Mehr xəbər agentliyinə danışıb.
"Aviaşirkət bilet satışı zamanı təyyarənin vəziyyətini və sərnişin sayını hesablamalı idi", - deyə o vurğulayıb.
Günay
