Zaqatalada müəllimə qohumunu öldürdü
Zaqatalanın 3-cü Tala kəndində 48 yaşlı kişi qətlə yetirilib.
Hadisə avqustun 11-də axşam saatlarında baş verib. Kənd sakini Qazıməhəmməd İbrahimov bıçaqla qətlə yetirilib.
Zaqatala RPŞ-də və Rayon Prokurorluğunda aparılan ilkin araşdırmalar nəticəsində məlum olub ki, cinayət şəxsi münasibətlər zəminində törədilib. Qazıməhəmmədi həmkəndlisi və qohumu Günel İngəndərova öldürüb.
Hadisəni törədən şəxs polis tərəfindən saxlanılıb. Qeyd edək ki, Günel kənd orta məktəbində idman müəllimi işləyir. (Region TV - Kanal S)
Ölkə.Az
