Assancın üzərindən ittihamlar götürüldü

İsveç prokurorluğunun nümayəndəsi məlumat yayıb

Ölkə.Az xəbər verir ki, İsveçdə qalmaqallı "WikiLeaks" saytının təsisçisi Culian Assancın üzərindən ona qarşı sürülmüş dörd ittihamdan üçü götürülüb.

Sözügedən ittihamlar seksual xarakterli cinayətlərin törədilməsi ilə əlaqədardır. Qərar İsveç qanunvericiliyinə əsasən ittihamların irəli sürülməsindən 5 il ötməsi ilə bağlıdır. Bu haqda İsveç prokurorluğunun nümayəndəsi məlumat yayıb.

Xatırladaq ki, Culian Assanc "WikiLeaks" saytı ilə ABŞ hökumətinin yüzlərlə məxfi sənədllərini internetə sızdırmışdı. Snouden isə dünyada ABŞ xüsusi xidmət orqanlarının həyata keçirdikləri izləmə proqramlarını yaydıqdan sonra məşhurlaşıb və həbs təhlükəsi ilə üzləşdiyi üçün ölkəsini tərk edərək, Rusiyada gizlənib.

Rəşid Mustafazadə

Ölkə.Az