“Survivor 2023”ün iştirakçısı ayaq protezini çıxarması ilə gündəm oldu - VİDEO
Türkiyənin TV8 kanalında yayımlanan “Survivor 2023” yarışma proqramına qatılan Barış Tellinin oyunu qazandıqdan sonra ayağındakı protezi çıxararaq sevinməsi gündəm olub.
Ölkə.Az Türkiyə televiziyasına istinadla xəbər verir ki, milli oyunçu rəqibini tarazlıq taxtası üzərindən yıxdıqdan sonra protezini çıxararaq suya tullanıb.
“Survivor”a qatıldıqdan sonra ondan gözləniləndən daha yaxşı performans sərgiləyən B.Telli açılış həftəsində kişilər arasında qalib seçilib.
Xatırladaq ki, B.Telli 1993-cü ildə keçirdiyi avtomobil qəzasında sağ ayağını itirmişdi.
Qeyd edək ki, 2014-cü ildə milli oyunçu hündürlüyə tullanmada Avropa ikincisi olaraq gümüş medal qazanmaqla Türkiyə rekordunu qırmağı bacarıb. Həmin il Türkiyə Milli Amputasiyalı Futbol Komandası ilə dördüncü dəfə dünya üçüncüsü olub. O, 2015-ci ildə Türkiyənin ilk əlil bədən tərbiyəsi müəllimi təyin edilib.
Günay
