Xalq artisti əməkdar artisti qınadı: "Heç yaraşdırmadım"

Gəncə Dövlət Dram Teatrının aktrisası, xalq artisti Pərvanə Qurbanova Akademik Milli Dram Teatrının tanınmış aktyoru, əməkdar artist Əli Nurun fikirlərinə münasibət bildirib.

Aktrisa Ölkə.Az-a açıqlamasında deyib ki, Əli Nurun onun çalışdığı teatra direktor təyin olunmasına ehtiyac yoxdur:

"Bildiyim qədərilə, o insana elə bir təklif olmayıb. Teatrımızın baş rejissoru da var, direktoru da. Yeni tamaşalarımız hazırlanır. Həmçinin Azərbaycanda 143-cü teatr mövsümünün açılışı məhz bizim teatrda olacaq. Hazırda həmin tədbirin hazırlıq prosesi gedir. Gəncə teatrı olaraq teatrlar ətrafında baş verən qalmaqallara qoşulmaq fikrimiz yoxdur. Bu söz-söhbətə təəssüf edirəm. Üzdə olan sənət adamlarına belə qalmaqalları heç yaraşdırmadım".

Qeyd edək ki, Əli Nur Ölkə.az-a müsahibəsində Gəncə Dövlət Dram Teatrının direktoru vəzifəsinin ona təklif olunduğunu bildirmişdi.

İntiqam VALEHOĞLU

Ölkə.Az