Rumıniyanın Arad şəhərində böyük şahmat festivalı başa çatdı

“Astra-open” 16 ölkədən 239 şahmatçının iştirak etdiyi əsas turnirdə Azərbaycanı yalnız Ülvi Bacarani (reytinq ELO 2522) təmsil edirdi. Start siyahısında bizim şahmatçı yalnız on üçüncü yerdə idi.

Turnir uğursuz başladı. Birinci partiyanı məğlub olan Ülvi öz mübarizə etmə bacarığını nümayiş etdirib, belə ki, 7 qələbə qazanaraq lider olub. Yalnız son turnirdə turnirin favoriti ukraynalı Aleksandr Zubov (2619) ilə heç-heçə oynayaraq Ülvi 1-3 yerləri bölüşüb. Başlanğıcda məğlub olması ona əsas kuboku qazanmağa imkan vermədi, amma arxada 14 qrossmeyster və 20 beynəlxalq usta qaldı.

Blits-turnirdə o, 1-2 yerləri bölüşdü, turnirin qalibinə yeganə məğlubiyyəti yaşatdı və 9 partiyadan 8 xal qazanmasına baxmayaraq, bu dəfə də əmsal onun xeyrinə olmadı.oxu.az

Ölkə.Az