Kriştiano Ronaldo ilə 2,5 illik müqavilə imzalayan “Əl-Nəsr” klubu futbolçuya yeni müqavilə təklif etməyə hazırlaşır.

Ölkə.az metbuat.az-a istinadən xəbər verir ki, Ronaldo qəbul edərsə, müqavilə başa çatandan sonra onunla yeni müqavilə imzalana bilər. Hazırki müqaviləsi başa çatanda Ronaldo 40 yaşında olacaq. Məlumata görə, bununla belə “Əl-Nəsr” futbolçunun təcrübəsindən faydalanmaq istəyir. Bildirilir ki, “Əl-Nəsr” Ronaldonun karyerasını klubda başa çatdırmasını təklif edib.

Qeyd edək ki, Ronaldo “Əl-Nəsr” klubundan illik təqribən 200 milyon avro məvacib alır.