ABŞ-ın keçmiş prezidenti xərçəngə tutulub

ABŞ-ın keçmiş prezidenti xərçəng xəstəliyinə tutulub

Ölkə.Az xəbər verir ki, ABŞ-ın keçmiş prezidenti Cimmi Karter xərçəng xəstəliyinə tutulub.

Xərçəng xəstəliyi bu günlərdə eks-prezidentin qaraciyərində aparılmış əməliyyatı zamanı aşkar edilib. Qaraciyərində xərçəng xəstəliyi aşkar edilmiş sabiq prezident müalicə kursu keçmək məqsədilə iş cədvəlinə dəyişiklik edəcəyini bildirib.

Keçən həftə Karterin qaraciyərində yaranmış törəmənin çıxarılmasına dair cərahiyyə əməliyyatı həyata keçirilib.

Cimmi Karter Amerika Birləşmiş Ştatlarının 39-cu prezidentidir (1977-1981). O, "Dünyadakı münaqişələrin sülh yolu ilə həlli üzrə səylərinə və insan haqları uğrunda mübarizəyə görə" 2002-ci il Nobel Sülh mükafatı laureatıdır.

Rəşid Mustafazadə

Ölkə.Az