Miri Yusif Funda Ararın üzr istəməsini tələb etdi

"Məhkəmədə görüşəcəyik"

Ölkə.Az xəbər verir ki, Miri Yusifə onun "Bağışla" adlı mahnısını oxuyan məşhur türkiyəli müğənni Funda Ararı məhkəməyə verməkdə israrlı olduğunu bəyan edib.

O, Azad Azərbaycan telekanalına müsahibəsində bildirib ki, əgər Funda Arar məhkəmədə ondan üzr istəsə və mahnının ona aid olmasından xəbərsiz olduğunu desə, onu bağışlayacaq.

Müsahibənin tam versiyasını təqdim edirik:

Xatırladaq ki, Funda Arar ifaçı Miri Yusifin "Bağışla" adlı mahnısını səsləndirib. Miri Yusifin "Ağ Qarğa" albomunda yer alan bəstənin sözləri və musiqisinin ifaçının özünə məxsus olduğu deyilir.

Qeyd edək ki, Ararın dostu, türkiyəli şair Günay Çoban sosial şəbəkədə bəstənin azərbaycanlı MC Murada aid olduğunu və ondan icazə aldıqlarını yazmışdı.

Funda Arar mahnıya çəkdirdiyi klipini də təqdim edib. "Bağışla" DMC musiqi şirkətində sinql formasında işıq üzü görüb. Miri Yusif sözügedən mahnını 2012-ci ildə oxuyub.

Ölkə.Az