Kamal Kılıçdaroğlu: “İndiyədək bizə koalisiya təklifi gəlməyib”

 

Bunu Türkiyənin müxalif Cümhuriyyət Xalq Partiyasına (CHP) sədri Kamal Kılıçdaroğlu koalisiya görüşmələrinə dair partiyanın mərkəzi qərargahında keçirdiyi mətbuat konfransında deyib.

 

“Davudoğlu bizə 2 təklif edib: qısamüddətli bir keçid hökuməti və ya “biz azlıq hökuməti qursaq bizi kənardan dəstəkləyə bilərsinizmi”, deyə Kılıçdaroğlu qeyd edib .

 

Kamal  Kılıçdaroğlu vurğulayıb ki, Türkiyənin çox ciddi problemləri var, ən azı 4 il müddətinə davam edəcək koalisiya hökumətinin qurulması lazımdır:  “Biz bu fikirlərimizi qarşı tərəfin diqqətinə çatdırdıq. Ancaq AKP üç ay ərzində müəyyən məsələləri həll etməyi, proqramı müəyyənləşdirməyi, daha sonra da seçkiyə getməyi təklif edirdi”.

 

Kılıçdaroğlu ümidsizliyə qapılmağın gərək olmadığını bildirib: “Türkiyə böyük, güclü və öz problemlərini aşmağa qadir olan bir ölkədir. Biz xalqın bundan sonrakı təqdirinə hörmət edəcəyik. Əgər AKP hökuməti qura bilmirsə, vəzifəsini təhvil verəcək. Erkən seçkinin yeganə variant olduğunu doğru saymıram. 24 saat siyasət üçün çox uzun müddətdir". (APA)