Xalq artistinin nəvəsindən tərbiyəsizlik
Ötən gün saytımızda Gəncə Dövlət Dram Teatrı barədə dərc olunmuş yazı böyük səs-küyə səbəb olub.
Belə ki, sözügedən mədəniyyət ocağının aktyor və aktrisaları sosial şəbəkələrdə xəbəri müzakirə ediblər. Nə qədər qəribə görünsə də, mədəniyyət işçiləri mədəniyyətə sığmayan ifadələr işlədiblər. Məsələn, teatrın aktyoru (halbuki aktyorluq təhsili yoxdur) Samir Abbasov (Həm də Gəncə Teatrının və Azərbaycan aktyorluq sənətinin əfsanələrindən olan mərhum xalq artisti Ələddin Abbasovun nəvəsidir) truppa müdiri Yusif Cəfərovun "Darıxma qardaş, məsələ kimin yazdığında deyil, bu yalan məlumatı verən şərəfsizdədi. Onu da aşkar edəcəm" statusuna çox biabırçı və etikadan kənar bir cavab yazıb: "Tülkü deyil, tülkü yaxşıdı, fahişənin balasıdı".
Elnur Axundovun statusunda isə Samir Abbasovun əmisi (Aydın Abbasov) oğlu Elnur Abbasov daha bir qeyri-etik şərh yazıb:
"Ayağa qalxanın da ölüsünü, dirisini, özündən çıxardanın da gəlmişini-keçmişini bütün kollektiv qarşılasın"Eyaga qalxaninda olusunu dirisini ozuneb cixardaninda qelmiwibi kecmiwini butun kallektiv qarwilasin .
Bu arada qeyd etmək yerinə düşər ki, Elnur Abbasovun atası Aydın Abbasov da sözügedən teatrda işıq sexinin müdiridir.
Qəribədir ki, digər statusların əksəriyyəti də təxminən eyni məzmunda olub. Teatr işçiləri əməkdaşımız İntiqam Valehoğlunun və saytın ünvanına xoşagəlməz sözlər yazıblar.
Gəncə Dövlət Dram Teatrının HT-nin sədri və quruluşçu rejissoru Elşad Əhmədov isə təkzib verilərək üzr istənilməsini tələb edib. Yeri gəlmişkən, quruluşçu rejissor Elşad Əhmədovun rejissor təhsili yoxdur.
Xatırladaq ki, Gəncə Dövlət Dram Teatrında məvaciblə bağlı yaranmış problemlərdən bəhs olunurdu. Teatrdakı mənbə əməkdaşımızla söhbətində bunları deyib:
"İki il əvvələ qədər maaşlarımızı teatrın mühasibatlığından alırdıq. Sonradan kart sisteminə keçildi və "Zaminbank"dan almağa başladıq. Ancaq bu bankın da Gəncədə yalnız bir bankomantı (Sabir küçəsində) var ki, o da nadir hallarda işləyir. Belə olan halda maaşlarımızı bankomatdan 3-4 aydan bir ala bilirdik. Yalnız şəxsiyyət vəsiqəsilə bankın kassasına yaxınlaşandan sonra pulumuza ala bilərdik".
Mənbə bildirirdi ki, ötən qış teatrın direktoru Əli Qasımovun evindən oğurluq olur və məhz bu hadisədən sonra aktyorlar yenidən maaşlarını mühasibatlıqdan almağa başlayırlar:
"Deyilənə görə, həmin vaxt direktorun evindən 30 min pul, 30 min manat dəyərində zinət əşyaları və 40-a yaxın bankomant kartı oğurlanmışdı. Həmin bu kartlar teatrda adı gedib özü olmayan "ölülər"in kartları idi. Ona görə də Əli Qasımov səsini çıxara bilmədi. Elə həmin aydan əməkhaqlarımız yenidən mühasibatlıqdan verilməyə başladı".
Qeyd olunurdu ki, yeni teatr mövsümündən aktyorlar maaşlarını yenə də bankomatdan ala biləcəklər. Amma bu dəfə başqa bir bankdan:
"Mühasib deyir ki, çox əziyyət çəkirdiniz, ona görə belə lazım bildik. Amma bu dəfə maaşlarımızı Beynəlxalq Bankdan alacağıq. Səbəb odur ki, oğurlanmış 40 kartı "Zaminbank"da bərpa etmək olmaz. Yəni direktor işin üstünün açılmaması üçün bu addımı atır. Çünki sual oluna bilər ki, eyni vaxtda 40 işçinin kartı necə itə bilər?"
Mövzunu davam etdirəcəyik.
Ölkə.Az
