Fidel Kastro ABŞ-dan təzminat tələb etdi

İlk səfər kimi tarixə düşəcək

Ölkə.Az "Associated Press" informasiya agentliyinə istinadən xəbər verir ki, Kuba inqilabının lideri Fidel Kastro Vaşinqtonun Havanaya sanksiyaların vurduğu zərərə görə milyonlarla dollar borclu olduğunu iddia edib.

O, bu barədə yerli KİV-lərdən birində 89 illiyi günündə yayımladığı məqaləsində yazıb.

Kastro qeyd edib ki, Kuba dərisinin rəngindən asılı olmayaraq dünyada yaşayan bütün insanların və planetin hər bir sakininin rifahı üçün mübarizəsini dayandırmayacaq. Bundan əlavə, o, səhiyyə, təhsil, mədəniyyət, elm, kənd təsərrüfatı, təhlükəsizlik və digər sahələrdə çalışan vətəndaşlara əmin-amanlıq içində, bərabər hüquq çərçivəsində yaşamağı arzu edib.

Avqustun 14-də ABŞ-ın dövlət katibi Con Kerrinin Kubaya səfər edəcək. O, ölkəsinin Havanadakı səfirliyi binasının üstündə ABŞ bayrağını qaldırmağı planlaşdırır. Bu, 1945-ci ildən bəri Amerika XİN tərəfindən azadlıq adasına həyata keçirilən ilk səfər kimi tarixə düşəcək.

Xatırladaq ki,ABŞ və Kuba 2013-cü ilin ikinci yarısında iki ölkə arasındakı münasibətlərin bərpası haqqında gizli danışıqlara başlayıb. ABŞ və Kuba liderləri Barak Obama və Raul Kastro 2014-cü il dekabrın 17-də əlaqələrin bərpa olunması barədə niyyətlərini açıqlayıblar.

Bundan sonra bu məsələ ilə bağlı Havanada və Vaşinqtonda bir neçə görüş baş tutub. İkitərəfli münasibətlərin bərpasına yönəldilmiş addımlardan biri kimi Barak Obama bu il aprelin 14-də ABŞ özünün terrorizmin dövlət səviyyəsində maliyyələşdirilməsi siyahısından Kubanın adını çıxarıb.

Rəşid Mustafazadə

Ölkə.Az