İŞİD ABŞ hərbçilərinin şəxsi məlumatlarını əldə etdi

ABŞ Hərbi hava qüvvələrinin məlumat bazasına daxil olmuşdular

Ölkə.Az xəbər verir ki, İŞİD terror təşkilatına işlədiklərini bəyan edən hakerlər 1400 ABŞ hərbçisinin əlaqə vasitələrini yayımlayıblar.

Onlar bəyan edib ki, göstərilən hərbçilər təşkilatın potensial hədəfləridir. Mütəxəssislər bəyan edib ki, siyahı köhnəlib, ancaq göstərilən şəxslər doğrudan da ABŞ ordusunda xidmət ediblər.

Xatırladaq ki, bir neçə gün öncə İŞİD terror təşkilatının hakerləri NASA və ABŞ Hərbi hava qüvvələrinin məlumat bazasına daxil olmuşdular.

ABŞ-ın ən böyük kibertəhlükəsizlik şirkətlərindən biri olan "Flashpoint Intelligence"nin mütəxəssislərinin kanala verdikləri açıqlamada isə bildirilir ki, əgər İŞİD-in hakerləri bazanı sındırıblarsa, onların əlində əməkdaşlar və rəhbərlər haqqında gizli məlumatlar var. Həmin məlumatların mediaya sızdırılması ABŞ-ın dövlət sirlərini ortaya tökər və ölkənin qüdrətini sarsıda bilər.

Rəşid Mustafazadə

Ölkə.Az