Sumqayıt və Bakıda “civə əməliyyatı”
Azərbaycanın Fövqəladə Hallar Nazirliyi Sumqayıt şəhəri və Bakının Nizami rayonunda mənzillərin civədən təmizlənməsi üzrə əməliyyat keçirib.
FHN-dən Ölkə.Az-a verilən məlumata görə, Sumqayıtda mənzildə termometr sınmış, nəticədə daxilindəki civə ətrafa dağılıb.
Maye halında olan kimyəvi element nazirliyin Mülki-Müdafiə Qoşunlarının mütəxəssisləri tərəfindən müvafiq qaydada yığılmış və çirklənmiş ərazi demerkurizasiya edilib. Əməliyyat saat 11:27-də başa çatıb.
İkinci belə hadisə isə Bakının Nizami rayonunda baş verib.
Burada da mənzildə termometr sınıb, nəticədə daxilindəki civə ətrafa dağılıb.
Maye halında olan kimyəvi element nazirliyin Mülki-Müdafiə Qoşunlarının mütəxəssisləri tərəfindən müvafiq qaydada yığılıb və çirklənmiş ərazi demerkurizasiya edilib. Əməliyyat saat 12:35-də başa çatıb.
Ölkə.Az