Avropada inflayasiya dərəcələri
Avro bölgəsində infliyasiya son beş ilin ən aşağı səviyyəsinə enib
Avropa İttifaqının statistika təşkilatı "Eurostat" istehlakçı qiymətlərinin infliyasiyasının keçən ilin eyni ayına görə yalnız 0,3% artdığını bildirib.
Avro bölgəsində inflyasiya sentyabr ayında təkrar azalmağa başlayıb. Qiymətlər təxminən beş ildir ki, aşağı sürətlə yüksəlirdi.
Aİ statistika təşkilatı Eurostat, istehlakçı qiymətləri infliyasiyanın keçən ilin eyni ayına görə yalnız 0,3% artdığını elan edib. Avqust ayında bu artım 0,4% olaraq reallaşmışdı. Bu, avro bölgəsində 2009-cu ilin oktyabr ayından başlayaraq ən aşağı infliyasiya səviyyəsidir.
Bu vəziyyət bir defilyasiya prosesinin olma riskini artırmaqdadır. Mövcud vəziyyət mütəxəssisləri qorxudur. Hazırda infliyasiya Avropa Mərkəzi Bankının ifadə etdiyi kimi 2%- dən aşağı qalmaqda davam edir.
Bu ayın əvvəllərində, Avropa Mərkəz Bankı göstərici faiz nisbətini 0,05% azaltdı və iqtisadiyyatı inkişaf etdirmək üçün yeni təşviq planını hazırladı. Bankın başçısı olan Mario Draghinin Avropa Mərkəzi Bankının yeni inkişaf planını həyata keçirəcəyi gözlənilir.
Bu mövzular Bankın idarə şurasının cümə axşamı günü keçiriləcək toplantısında müzakirə ediləcək. İşsizlik nisbəti hazırkı vəziyyətdə sabit olaraq qalır.
Eurostat daha sonra avro bölgəsindəki işsizliyin, avqust ayına nisbətən iyul ayında səviyyəsinin 11,5%-də sabit qaldığını bildirdi.
Bölgənin ən böyük iqtisadiyyatı olan Almaniyada sentyabr ayında iş axtaran şəxslərin sayı 12.000 nəfər artdı. Ancaq, mütəxəssislər yüksəlişin hələ narahatlıq verici səviyyədə olmadığını bildirdilər.
Almaniyanın 6,7% olan işsizlik səviyyəsi, ölkədə birləşmədən sonra dövrün ən aşağı səviyyəsinə yaxınlaşıb.
Ziya Rəhmanov
Ölkə.az
