Şimali Koreya “Pxenyan vaxtı”na qayıtdı

“Yaponiya imperalistləri bizim ölkənin standart vaxtını əlindən almışdılar”.

Şimali Koreya hökuməti 15 avqust ölkənin Yaponiya işğalından azadlığının 70 illiyi münasibəti ilə “Pxenyan vaxtı”na qayıdıb və saatları 30 dəqiqə geri çəkib. 1910-cu ildə yaponlar Koreyanı işğal edəndən sonra bütün yarımadada “Tokio vaxtı” tədbiq ediblər. 

İndi isə Şimali Koreya vəziyyəti dəyişərək “Pxenyan vaxtı”na qayıtmağı qərarına gəlib və saatları 30 dəqiqə geri çəkib.

“Yaponiya imperalistləri bizim ölkənin standart vaxtını əlindən almışdılar”, - Pxenyan rəsmiləri ölkənin məsələyə münasibətini izah ediblər.

Yaponiya ilə eyni saat qurşağında qalan Cənubi Koreyada Pxenyanın bu qərarı narazılıq ilə qarşılanıb. Rəsmi Seul hesab edir ki, Şimali Koreyanın bu addımı yarımadanın iki hissəsi arasında bütün sahələrdə fərqi artıracaq. (oxu.az)

Ölkə.Az