Davudoğlu: \"CHP ilə danışıqlarımız bizim üçün qazancdır\"
Türkiyənin baş naziri Əhməd Davudoğlu TRT kanalında gündəmlə bağlı sualları cavablandırıb.
Baş nazir bildirib ki, 12 illik uğurlarının davamını gətirəcək bir koalisiya arzulayırlar.
Davudoğlu deyib: “Cənab Kamal Kılıçdaroğlu ilə iki dəfə görüşdük. Aramızda dərin fikir ayrılıqları var idi. Anlaşdığımız məqamlar da oldu. Biz seçki yolu ilə islahat aparacağımız bir hökumət qurmaq istəyirik. CHP ilə danışıqlarımız bizim üçün qazanc oldu. İntellektual və mühüm danışıqlar apardıq”.
Davudoğlu daha sonra qeyd edib: “Xalq bizi ən böyük partiya etdi. Ölkəni idarə etmə gücünü böyük bir ölçüdə bizə verdi, amma bu dəfə əvvəlki 12-dən fərqli olaraq “Koalisiya quraraq bunu et” dedi”. (musavat)
Ölkə.Az