Mingəçevir teeatrının truppa müdiri: \"Könül Hacıyeva ilə sevgili olmağımız...

Mingəçevir Dövlət Dram Teatrının truppa müdiri Elşən Məmmədov redaksiyamıza gələrək teatrın keçmiş aktyoru İbrahim Salamovun Ölkə.Az-a verdiyi müsahibəyə münasibət bildirib.

- Elşən müəllim, aktyor İbrahim Salamovun barənizdə səsləndirdiyi fikirlərə münasibət bildirmək istəyirdiniz..

- Əvvəla məni dinlədiyiniz üçün təşəkkür edirəm. Keçmiş aktyorumuz İbrahim Salamovun sizin sayta müsahibəsində haqqımda səslədirdiyi fikirlərlə tanış oldum. Deyim ki, bu sözlər həqiqətə uyğun deyil.Qəribədir ki, bu adam eyni sözü hər il təkrrlayır. Bu dəfə fərq ondan ibarətdir ki, müsahibədə mənim də adımı çəkib. Maraqlıdır ki, bu adam mənə aid olan problemi niyə ictimailəşdirib, məqsədi nədir?

- Söhbət hansı problemdən gedir?
- O bildirib ki, mənim 25-30 min borcum var.

- Yəni borcunuz yoxdur...

- Həyatda hər kəsin borcu var və bu insanın özünə aid problemdir.

- Bəs digər dedikləri nə dərəcədə həqiqətə uyğundur?

- Onun dediklərinin heç biri həqiqətəuyğun deyil. 25-30 min az pul deyil. O, səhnə rəisimiz Könül Hacıyevanın da adını hallandırır. Bəli, bu xanımla mənim çox gözəl münasibətim var. Amma sevgili kimi yox, iş yoldaşı, dost, yaradıcı insan kimi. Yəni bizim işimiz birdir. Könül xanım teatrımızda ən işgüzar xanımdır, işini gözəl bilir, kollektiv arasında böyük hörməti var. Ola bilsin qısa müddətdə bu xanımın qısa müddətdə kollektiv arasında hörmət qazanması kimlərisə qıcıqlandırır. İbrahim Salamovu da həmçinin. Deyir ki, mən 25-30 min borca Könül Hacıyevaya görə düşmüşəm. Bu da tamamilə yalandır. O, öz məvacibi ilə dolanan xanımdır. Könül Hacıyeva ilə sevgili olmağımız barədə deyilənlər isə tamamilə yalandır.

- Ortada çox maraqlı bir məqam var. Könül Hacıyeva sizdən 15-16 yaş kiçikdir. Bəs niyə məhz sizinlə sevgili olduğunu deyir?

- İbrahim Salamov 2014-cü ildə bizim teatrda "Nənənin kələyi" tamaşasını hazırlayırdı. O ərəfədə Könül xanım səhnə rəisi, mən də truppa müdiriydim. Bu adamın bizlə problemi yaranmışdı. Ona deyirdik ki, aktyorlarla düzgün rəftar et, texniki işçilərlər belə danışma. Elə ordan da bunun bizimlə ədavəti yarandı.

- Yəqin bilirsiniz ki, jurnalisti, hətta nəinki jurnalisti, heç kimi təhdid və təhqir etmək olmaz.
- Bilirəm.

- Bəs sizi nə məcbur etdi ki, İbrahim Salamovun müshaibəsindən sonra mənə bunları yazasınız?

- Hər bir insanın səbr kasasının dolduğu vaxt olur, insan robot deyil. Mənə aid olmayan müsahibə çıxanda çox əsəbləşdim.

- Niyə aqressiyanız fikri səsləndirən şəxsə yox, məhz mənə idi?

- Gecə idi. Birincisi, mən sosial şəbəkədə sizə yazdım. Ümumiyyətlə, İbrahim Salamovla yazışmıram.

- Ancaq müsahibəni o verib, mən yox

- Gördüm ki siz paylaşmısınız, məcbur olub sizə yazdım. Təbii ki, bir anlaşılmazlıq oldu, səbrsizlik etdim və buna görə də sizdən üzr istəyirəm. insan öz səhvini anlamalıdır, hər kəsin səhvi ola bilər.