Öldürülən 31 yaşlı qadının 6 uşağı var imiş - TƏFƏRRÜAT

Cəlilabadda baş verən qətl hadisəsinin bəzi təfərrüatı məlum olub.

"Ölkə.Az" xəbər verir ki, hadisə bu gün səhər saatlarında rayonun Muğan kəndində qeydə alınıb.

Kənd sakini, 1987-ci il təvəllüdlü Elxan Əmanov həyat yoldaşı, 1992-ci il təvəllüdlü Aysel Abbasovanın bıçaqla qətlə yetirib. Daha sonra E.Əmanov sirkə turşusu içərək intihara cəhd edib.

"Ölkə.Az"ın əldə etdiyi məlumata görə ərlə arvad arasında bir neçə dəfə ailə münaqişəsi zəminində mübahisələr olub. Elxan Əmanov həyat yoldaşını bir neçə dəfə döyüb. Hətta qadının döyüldüyünə görə sonuncu dəfə xəstəxanada müalicə aldığı da deyilir.

Cütlüyün 6 övladı var. 

Faktla bağlı Cəlilabad Rayon Prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanılıb, ibtidai istintaq aparılır.

Natiq