Rusiyanın tərkibinə keçən kimi birinci oldu

Rusiya Dövlət Statistika Komitəsi ölkə əhalisi arasında ölüm hallarının ən yüksək olduğu regionların siyahısını yayımlayıb.

Ölkə.az Komitənin rəsmi saytına istinadən xəbər verir ki, Krım Rusiyanın tərkibinə keçdikdən sonra bu siyahıya başçılıq edir.

Mütəxəssislərin fikrincə bu hal əsl sensasiyadır. Çünki Rusiyanın ağır iqlim şəraiti olan regionlarından fərqli olaraq, isti iqlimi, gözəl coğrafi şəraiti və onlarla sağlamlıq kurort kompleksləri ilə Krımın əhalisi daha uzunömürlü olmalıdır. Sibirin, Rusiyanın şimal vilayətlərinin ilin 10 ayını Günəş üzü görməyən, vitamin çatışmazlığından əziyyət çəkən əhalisindən Krım əhalisinin daha qısa ömürlü olması hər kəsi təəccübləndirib.

Rusiyalı mütəxəssislər isə Krımda ölüm hallarının yüksək olmasını həkim çatışmazlığı ilə əlaqələndirirlər, halbuki regionda onlarla sanatoriya, sağlamlıq ocağı, kurort və müxtəlif xəstəliklərin müalicəsi üçün ideal sayılan mineral sular, şəfalı palçıq mənbələri, mineral isti su çeşmələri uzun illərdir milyonlarla insan üçün şəfa qaynağı olmuşdur.

Ölkə.az