Qurbanov: "Young boys" "Celtic"-dən daha təhlükəli ola bilər"
"Qarabağ”ın baş məşqçisi Qurban Qurbanov Avropa Liqasının pley-off mərhələsində qarşılaşacaqları İsveçrənin "Young Boys” klubuyla bağlı növbəti dəfə danışıb.
Qurbanov ötən gün "Rəvan"la görüşdən sonra bu barədə deyib:
"Young Boys” fərqli komandadır. Sürətli hücumçuları var. Hücumların qarşısını almaqdan çətinlik çəkəcəyik. "Young Boys” hücumda "Celtic”dən daha təhlükəli ola bilər. Amma "Celtic” də zəif rəqib deyildi. Hətta kollektiv oyun baxımından Şotlandiya klubunu daha yüksək qiymətləndirmək olar. "Young Boys” isə hücumun bütün cinahlarında təhlükəlidir” (goal.az)
Ölkə.Az
