İŞİD liderinin 26 yaşlı amerikalı kənizi

 

Terrorçuların rəhbəri girov götürülən və humanitar missiya nümayəndəsi olan qadını dəfələrlə zorlayıb. Bağdadi Kayla Cin Müller adlı girovla şəxsi kənizi kimi davranıb.

 

26 yaşlı qızın əl-Bağdadi onu kənizi elan etdikdən əvvəl işgəncələrə də məruz qaldığı bildirilir.

Əbubəkr əl-Bağdadinin onu Suriya ərazisində İŞİD-in Tunis qanadının liderlərindən birinin evində saxladığı qeyd olunur. Əbu-Səyyaf adlı həmin ev sahibinin bu ilin mayında ABŞ-ın aviazərbələri nəticəsində öldürüldüyü deyilir.

 

Kayla Cin Müllerin başına gələnləri məhz Əbu-Səyyafın seksual qul kimi saxladığı və sonradan qaçmağı bacaran iki yeniyetmə qız danışıb.

 

Xatırladaq ki, Kayla Cin Müller 2013-cü ildə Suriyanın Hələb şəhərində terrorçular tərəfindən ələ keçirilib. Həmin vaxt İŞİD onun qaytarılması üçün 5 milyon avro tələb edirdi. 2015-ci ildə isə Ağ Ev rəsmiləri qadının öldüyü barədə məlumat yayıb. Vaşinqton onun İordaniya Hərbi Hava Qüvvələrinin İŞİD-ə hücumu zamanı Rəqqa şəhəri yaxınlığında həlak olduğunu açıqlayıb. (APA tv)