Ermənistanda içməli suya kanalizasiya qarışdı, 24 nəfər xəstəxanalıq oldu

Ermənistanın Allahverdi şəhərində bir həftədir əhali su içə bilmir.

Ölkə.az erməni KİV-lərinə istinadən xəbər verir ki, şəhər əhalisi suyu satın almaq məcburiyyətində qalıb.

Buna səbəb isə içməli suya kanalizasiya qarışmasıdır. Bir həftədir şəhər hakimiyyəti suya kanalizasiyanın necə qarışmasını araşdırsa da səbəbini tapa bilməyiblər.

Şəhərdə infeksiyanın yayıldığı bildirilir. Son bir həftədə şəhərdə qarın ağrısı və ürək bulanması şikayəti ilə 24 nəfər xəstəxanaya çatdırılıb və onlarda bağırsaq çöpləri aşkarlanıb.

Xəstəxaya aparılanlardan 9-u azyaşlı uşaqdır.

Ölkə.az