Misirdə terrorizmə görə cəza ağırlaşdırıldı

Misirdə yeni qanun qəbul olunub.

Ölkə.az ərəb mediasına istinadən xəbər verir ki, Misir prezidenti Abdul Fəttah Əs-Sisi yeni antiterror qanunu imzalayıb.

Son aylar artan terror hadisələrindən sonra Misir hökuməti radikal addımlar atmağa məcbur olub.

Sisinin imzaladığı qanunda dövlət əleyhinə edilən bütün əməllər ağır cinayət hesab olunur və edam cəzası nəzərdə tutulur. Artıq bir çox beynəlxalq hüquq müdafiə təşkilatları buna etiraz olaraq bəyanatlar veriblər.

Xatırladırıq ki, bu ilin iyun ayında Misirin baş prokuroru Hişam Barakatın öldürülməsindən sonra ölkənin yüksək dairələrində bərk təşviş mövcuddur və güc strukturları bütün yüksək vəzifəli məmurların təhlükəsizliyini qorumaq üçün onların mühafizəsini gücləndiriblər.

Ölkə.az