Stratfor: Kremlin sanksiyaları ağırlaşdırmaq siyasəti ölkədə inqilaba gətirib çıxaracaq

ABŞ-ın ən nüfuzlu araşdırmalar mərkəzi olan "Stratfor" Rusiyada baş verən siyasi, iqtisadi və sosial prosesləri analiz edərək geniş hesabat hazırlayıb.

Ölkə.az mərkəzin internet saytına istinadən xəbər verir ki, qurumun analitikləri Kremlin sanksiyalar siyasətini araşdıraraq bunun ölkəni daha da ağır vəziyyətə sala biləcəyi qənaətinə gəliblər.

"İqtisadi və maliyyə böhranı dövründə Krmlin belə bir qərar verməsi xalqın neqativ reaksiyası ilə qarşılanıb. Aparılan analizlər və müşahidələr nəticəsində məlum olub ki, hətta məmurların əksəriyyəti belə yuxarıların bu qərarı ilə razı deyillər. Rublun davamlı devalvasiyasının fonunda xaricdən gətirilən ərzaq məhsullarına sanksiyaların tətbiq edilməsi isə daxili bahalaşmaya və nəticədə rublun inflyasiyasının güclənməsinə gətirib çıxardı. Getdikcə dərinləşən böhran rus rublunun daha da ucuzlaşmasına, bu isə istehlak mallarının qiymətlərinin qalxmasına və nəticədə büdcədən aldığı kiçik həcmli maaş və ya təqaüdlə dolanan təbəqənin sosial vəziyyətini daha da ağırlaşdıracaq", deyə "Stratfor"un hesabatında deyilir.

Xatırladırıq ki, "Stratfor"un bir başqa adı da "gizli MKİ"dir, çünki bu qurumun verdiyi analizlər əksər hallarda düzgün çıxır.

Ölkə.az