İnflyasiya Rusiyanı çökdürür

Rusiya Mərkəzi bankı xarici vayutanın məzənnəsini yenə qaldırıb.

Ölkə.az Moskva banklararası valyuta birjasının saytına istinadən xəbər verir ki, bu gün səhərdən ölkənin Mərkəzi Bankı dolların qiymətini 32,5 qəpik, avronun qiymətini isə 35 qəpik qaldırıb.

Beləliklə, son maliyyə əməliyyatları zamanı dollar 65,79 rubla, avro isə 72,91 rubla alınıb və satılıb.

Analitiklərin fikrincə xarici valyutanın qiyməti yenidən "qırmızı xəttə" yaxınlaşır.

Xatırladırıq ki, ilin əvvəlində Rusiyanı vuran maliyyə böhranı zamanı dollar 100 rubla, avro isə 120 rubla qədər bahalaşmışdı. Sonralar beynəlxalq valyuta ehtiyatlarından istifadə etməklə Rusiya Mərkəzi bankı məzənnəni 45 rubla qədər sala bilmişdi.

İndi valyuta bazarlarında yenidən eyni prosesin getdiyi bildirilir.

Ölkə.az