Rusiya XİN: Putin və Medvedevin Krıma getməsi bizim daxili işimizdir

Rusiyanın Xarici İşlər Nazirliyi Ukraynaya cavab verib.

Ölkə.az Rusiya XİN-nin rəsmi saytına istinadən xəbər verir ki, ölkənin xarici siyasət idarəsi Ukraynanın Putin və Medvedev başda olmaqla Rusiya rəhbərlərinin Krıma səfər etməsinə qadağa qoymasına cavab verib.

"Bu gün cavab notamız Ukrayna XİN-ə təqdim olunub. Notada Kiyevə bir daha bildirmişik ki, Krım Respublikası Rusiya Federasiyasının subyekti, Sevastopol şəhəri federal əhəmiyyətli bir şəhərdir və Rusiyanın ayrılmaz tərkib hissəsidir. Bu ərazilərdə Rusiya qanunvericiliyindən başqa heç bir qanun işləmir", Rusiya XİN-nin Kiyevə verdiyi cavab notasında belə deyilir.

Xatırladırıq ki, Ukrayna Rusiya rəhbərliyinin Krıma gəlməsini "qadağan" etməsi haqda bəyanat yaymış, Rusiya isə bu qərarı "gülünc" adlandırmışdı.

Ölkə.az