Sərxoş rus hərbçiləri BTR-lə şəhərə çıxdılar

Rusiyanın Çita şəhərində sərxoş rus hərbçiləri BTR zirehli maşını ilə qanunsuz olaraq şəhərə çıxıblar.

Ölkə.az xəbər verir ki, bu haqda Rusiya DİN-nin Çita vilayəti üzrə idarəsinin rəsmi saytında məlumat yerləşdirilib.

Məlumatda qeyd olunur ki, şəhərdəki hərbi hissələrdən birindən iki hərbçi sərxoş vəziyyətdə BTR zirehli maşınını çıxararaq şəhərdə sürməyə başlayıblar.

Polislər BTR-i bir neçə saat sonra şəhərdəki yaşayış massivlərindən birindəki binanın həyətindən tapıblar. BTR-dən güclə ayaqda duran iki hərbçi çıxarılıb.

Faktla bağlı araşdırma aparılır.

Ölkə.az