Ekspert: "Cəbhədə işləyən jurnalistlərə MTN-nin rəyi əsasında akkreditasiya verilməsi normal addımdır"

Jurnalistlər cəbhəboyu zonada işləmək üçün akkreditasiyadan keçməlidir

Bununla bağlı Nazirlər Kabineti "Jurnalistlərin cəbhəboyu zonada akkreditasiyası və cəbhəboyu zonaya xidməti ezamiyyətlərinin Azərbaycan Respublikasının Müdafiə Nazirliyi ilə razılaşdırılması Qaydası”nı təsdiq edib.

Bundan əlavə cəbhəyə ezam ediləcək jurnalistlər MTN-nin rəyi əsasında akkreditasiyadan keçəcəklər.

Təsdiq edilmiş qaydanı hərbi ekspert Üzeyir Cəfərov Ölkə.Az-a şərh edib.

Üzeyir Cəfərov: "Müharibə aparan ölkədə cəbhə bölgəsi ilə bağlı qayda-qanun olmaldır. Bu bir qədər gecikmiş qərardır. Ola bilsin bu qərara müxtəlif yanaşmalar olsun, müsbət və ya mənfi. Bunu söz azadlığının pozulması istiqamətində yozanlar da olacaq. Hesab edirəm ki, bu çox normal bir şeydir. Müdafiə Nazirliyi öz üzərinə düşən vəzifələri bilir, jurnalistlər də bundan sonra hansısa məlumatı yayanda ehtiyatlı olacaqlar. Bu normal qərardır. Buna normal və sakit yanaşmaq lazımdır".

Səxavət Məmməd
Ölkə.Az