“Cavid Hüseynov böyük itkidir…”
Sabah Avropa Liqasının "play-off" mәrhәlәsinin oyunları keçirilәcәk.
"Qәbәlә" doğma azarkeşlәr önündә Yunanıstanın "Panatinaikos" klubunu qәbul edәcәk. Hәmin oyundan öncә tәmsilçimizin baş mәşqçisi Roman Qriqorçuk mәtbuat nümayәndәlәri önünә çıxıb:
"Bizim potensialımıız növbәti mәrhәlәyә adlamağa imkan verir. Bu, elә dә asan deyil. Üstәlik Cavid Hüseynovdan sonra Ürfan Mәmmәdovu da itirdik. Amma komandaya inanıram. Cavid Hüseynovla bağlı söhbәtә qayıtmaq istәmirәm. O, böyük itkidir. Komplektlәşdirilmiş olmasa, futbolçularıma güvәnirәm. İşimizin öhdәsindn gәlmәyә çalışacağıq".
Qriqorçuk ilk oyunu evdә oynadıqları üçün narahat olmadıqlarını bildirib:
"İlk oyunun evdә vә sәfәrdә olmasının fәrqi yoxdur. "Panatinaikos" güclü komandadır. Amma kimin favorit olduğunu demәk düzgün deyil. Uğur qazanmaq üçün 1 faiz şansımız varsa, belә onun uğrunda mübarizә aparacağıq".
"Bundan әvvәlki oyunlarda daha özünәgüvәnli görünürdüz. Amma bu gün fәrqlisiz. Hansısa problem var?" sualına ukraynalı mәşqçi belә cavab verib:
"Bundan әvvәlki 6 oyunun 4-ündә mәtbuat konfransında olmusuz, 2-sindә olmamısız. Hәmin 2 mәtbuat konfransında da belә idim. Psixoloji cәhәtdәn hәr şey qaydasındadır".
"Qırmızı-qaralar"ın çalışdırıcısı sabah meydanda yaxşı futbol oynamaq istәdiklәrini bildirib:
"Rәqib baş mәşqçi qәlәbә qazanmaq üçün gәldiklәrini bildirib. O bunu demәsәydi, tәәccüblәnәrdim. Biz sabah yaxşı futbol oynamağa çalışacağıq".
"Ürfan Mәmmәdovun yerindә kimi oynadacaqsız?" sualına Qriqorçuk cavab vermәk istәmәdiyini bildirb:
"Bu suala cavab vermәk istәmirәm. Hәmin mövqedә Arid Daşdәmirov, Mәhәmmәd Mirzәbәyov vә Rikardinyo var. Start heyәti sabah görәcәksiniz".
""Apollon"la oyunda qәlәbəni aerodromla qeyd etmişdiz. "Panatinaikos"u keçsәniz bunu necә qeyd edәcәksiz?" sualına da çalışdırıcı maraqlı cavab verib:
“Belә şeylәri tez-tez etmәsәk, daha yaxşıdır. Bunu tәxirә salaq". (Qafqazinfo)
Ölkə.Az
