Sevil massivi qalmaqalı yenidən böyüyür

Sevil Massivindəki zərərçəkənlərin bir qrupu yenidən prezident aparatının qarşısında aksiya keçirməyə hazırlaşırlar.

Mediada yayılan xəbərlərdə Sevil Massivi məsələsinin ətrafında bitmək bilməyən qalmaqalla bağlı bu gün Ağır cinayətlərə dair işlər üzrə məhkəmədə proses baş tutub.

Məhkəmə Sevil Massivində zərər çəkmiş 2 min vətəndaşın şikayətinə baxıb.

Ölkə.Az xəbər verir ki, məhkəmənin qarşısına 200-ə yaxın adam toplaşıb pullarını tələb edirlər. Amma bir ildir ki heç kim onların pullarını qaytarmır.

Məhkəmə prosesində iştirak edən zərərçəkənlərin sözlərinə görə, hər yerdə olduğu kimi məhkəmədə də bildiriblər ki, "gözləyin məsələniz həll olunacaq".

Hakim vətəndaşlara məhkəmənin hətta 1 il uzana biləcəyini deyib.

Sakinlərin Ölkə.az-a verdiyi məlumata görə, zərərçəkənlərdən 400-500 nəfəri sözü bir yerə qoyub prezident aparatının qarşısında aksiya keçirmək qərarına gəliblər. Zərərçəkənlər aksiyanın vaxtını yaxın günlərdə müəyyənləşdirəcəklər.

Xatırladırıq ki, prosesdə təqsirləndirilən şəxs Aynur Zeynalova və iyirmiyə yaxın zərəçəkən iştirak edib.

Səxavət Məmməd
Ölkə.az