“Tez öl, it, sənsiz yaşamaq asan olacaq” - Stalinlə vida mərasimində kütləvi insan qırğını (FOTO)

“Ölkə.Az” xəbər verir ki, vida mərasimi pis təşkil edildiyindən martın 6-dan 8-dək insanlar kütləvi şəkildə ölüblər.

Təcili yardım maşınları ilə oradan yüzlərlə şikəst edilmiş insanlar xəstəxanalara aparıb, ölülər isə Lefortova morquna göndərilib. Vida mərasimində ölənlərin sayı o qədər olub ki, morqda yer olmayıb. Nəticədə meyitlər birbaşa qarın üstünə atılıb.

İnsanların kütləvi şəkildə ölməsi, necə başladığı bilinmir

Hadisə şahidlərinin sözlərinə görə, meydandakı asfalt yararsız ayaqqabı və cırıq çantalarla dolu olub. Faciə qurbanlarının dəqiq sayı indiyədək bəlli deyil.

Fəlakətin təfərrüatı barədə dəqiq məlumat yoxdur. Paytaxtın mərkəzindəki dar küçələr moskvalılar üçün tələyə çevrilir. İnsan axınına düşənin oradan çıxması, qeyri-mümkün olub. Yıxılanlar bir daha ayağa qalxa bilməyiblər. Tapdalanaraq ölüblər. Digərləri isə boğularaq ölüblər.

Atların ayaqları altında qalıb öldülər

Nəticədə həmin gün Stalinlə vidalaşmağa gedənlərin çoxu bir daha evlərinə qayıtmayıb.

Hadisənin şahidi fizik Sperantovun dediyinə görə, ən dəhşətli anlar Sretenski, Rojdestvenski bulvarında olub: “Oradan Tribunaya doğru sərt eniş var idi. Orada atlı polislər olub. Atlardan hürkən olub və insanlar sadəcə atların ayaqları altında qalaraq ölüb”.

Stalinin ölüm xəbəri insanlara necə çatdırıldı

Sovet vətəndaşlarına Stalinin xəstəliyi barədə martın 4-də radio vasitəsilə məlumat verilib. Məlumat verilib ki, rəhbərin beyninə qan sızıb, nitqini itirib, sağ qolu və ayağı iflic olub.

Stalinin ölümü martın 6-da səhər saat 4-də - həm də radio ilə elan edilib.

Şəhər nəzarətə götürülüb

1953-cü il martın 6-da səhər tezdən Daxili İşlər Nazirliyinin xüsusi batalyonlarının hərbçiləri ilə yük maşınları karvanı Moskvaya daxil olaraq mərkəzi küçələri bağlayaraq nəzarətə götürüb. Paytaxt və onun arxasınca bütün Sovet İttifaqı böyük kədər rənglərinə boyandı.

Stalinin tənha qızı

Lavrenti Beriyanın oğlu Serqo öz xatirələrində etiraf edərək yazır ki, onun qızı Svetlanaya yazığı gəlib: “Axı mən bunu yaxşı tanıyırdım. O bundan əvvəl də tənha adam olub, Stalinin ölümündən sonra onun həyatı heç də yaxşı getmədi”.

Nikita Xruşovu Stalinin potensial varisi kimi düşünmürdülər

Dövrün yazılı mənbələrindən aydın görünür ki, SSRİ-nin sadə sakinləri Stalinin varisini təxmin etmirdilər. Çoxları Vyaçeslav Molotov, Georgi Malenkov, Nikolay Bulganinin hakimiyyətə gəlməsini proqnozlaşdırırdı. Lakin Nikita Xruşovun rəhbər seçilməsi, çoxları üçün sürpriz olub. Çünki onu Stalinin potensial varisi kimi düşünmürdülər. Hakimiyyətə gələn Xruşov nəticədə bütün rəqiblərini tarixin arxa bağçalarında yaşamağa göndərdi.

“Tez öl, it, sənsiz yaşamaq asan olacaq”

Baxmayaraq ki, o dövrdə SSRİ-də şəxsiyyətəpərəstiş dövrü olub, amma heç də bütün insanlar Stalini sevməyib. Ona yetərincə nifrət edənlər də olub. Onun ölümündən sonra hamını düşündürən bir məsələ olub: “İndi nə olacaq?”

Lakin sovet liderin ölümünü faciə hesab etməyənlər də olub. O zaman Moskvadakı Puşkinskayadakı binaların birinin divarında bir yazı peyda olub: “Tez öl, it, sənsiz yaşamaq asan olacaq”.