Qəhvə içənlər çox gəzir, amma az yatır - ARAŞDIRMA

Ölkə.Az “CNN türk”ə istinadla xəbər verir ki, bu barədə ABŞ-da araşdırma aparılıb.

Araşdırmanın nəticələri göstərir ki, qəhvə istehlakının həm müsbət, həm də mənfi tərəfləri var.

Qəhvənin sağlamlığa təsirləri haqqında daha yaxşı fikir əldə etmək üçün tədqiqatçılar 39 yaş aralığındakı 100 sağlam yetkin insanı müşahidə ediblər.

İştirakçılar onların addımlarını və yuxularını izləyən cihazlar, qan şəkəri və ürək ritmlərini izləyən elektrokardioqramma cihazları ilə təchiz edilib.

Hər bir iştirakçıya 2 gün ərzində istədikləri qədər qəhvə içmək, sonrakı 2 gün ərzində isə içməmək tapşırılıb. İki həftə ərzində bu dövrü təkrarlamaq tövsiyə edilib.

İştirakçıların qəhvə içdikləri günlərdə digər günlərlə müqayisədə orta hesabla 1058 addım daha çox atdıqları müşahidə edilib. Amma eyni günlərdə iştirakçılar ən azı 36 dəqiqə az yatıblar.

Bunlara əlavə olaraq, qəhvə istehlakı insanı ürək döyüntüsü kimi yüksək risklərə məruz qoya bilər. 

Qəhvə içməyin daha az yuxuya səbəb ola biləcək potensial genetik faktoru ola biləcəyi də vurğulanır.

Günay