Obama Baydena xeyir-dua verdi

Prezident aydın şəkildə bildirib ki, Baydeni dəstəkləyəcək

Ölkə.Az xəbər verir ki, ABŞ vitse-prezidenti Co Bayden seçkiöncəsi prezident yarışlarında iştirakı ilə bağlı hazırki prezident Barak Obamadan xeyir-dua alıb.

Bu barədə məlumat Demokratik partiyanın nüfuzlu təmsilçisindən verilib. CNN telekanalına danışan şəxsin sözlərinə görə, Baydenin namizədliyinin irəli sürülməsi 24 avqustda Beydenlə Obamanın birgə naharı zamanı müzakirə edilib. Prezident aydın şəkildə bildirib ki, Baydeni dəstəkləyəcək.

Baydenin ofisindən vitse-prezidentin şəxsi görüşləri ilə bağlı şərh verməyəcəklərini bəyan ediblər.

ABŞ-ın keçmiş dövlət katibi Hillari Klinton aprelin 12-də bildirib ki, o, 2016-cı ildə ABŞ-da keçiriləcək prezident seçkilərində iştirak edəcək. Obama çıxışlarından birində deyib ki, Hillari Klinton ABŞ üçün “əla prezident” olacaq.

Respublikaçılar Partiyasından isə rəsmi olaraq senatorlar Ted Kruz və Rend Pol öz namizədliklərini irəli sürüblər. Ceb Buşun, Nyu Cersi ştatının qubernatoru Kris Kristi, Viskonsina qubernatoru Skott Uoker, senatorlar Lindsi Qrem və Marko – Rubionun da prezident seçkilərində iştirak edəcəkləri gözlənilir.

ABŞ-da prezident seçkiləri 2016-cı ilin noyabr ayında keçiriləcək.

Rəşid Mustafazadə

Ölkə.Az