Politoloq: \"Lavrov öz vəzifəsində qalmaq üçün cəfəngiyyat danışır\"

Lavrov Qərbin iqtisadiyyat və siyasətdəki dominantlıq dövrünün bitmək üzrə olduğunu bildirib.

Rusiya Xarici işlər nazirinin sözlərinə görə, Qərbin çox uzun iqtisadi, maliyyə və siyası dominantlıq dövrünün sonunu müşahidə edirik və bu yüzilliklərlə davam edib. İndi isə Asiya və Sakit Okeanda yeni güc mərkəzləri yaranır. Qərb süni yollarla, sanksiyalar, digər dövlətlərə təzyiq etmək, silahlı qüvvələr və beynəlxalq hüquq normalarının pozulması hesabına dominantlığı qorumağa çalışır.

Lavrovun fikirlərini politoloq Zərdüşt Əlizadə Ölkə.az-a şərh edib.

Zərdüşt Əlizadə: "Lavrov öz vəzifəsində qalmaq üçün cəfəngiyyat danışır. Rusiya dərin iqtisadi böhran içərisindədir. Bunu Rusiyanın aparıcı mütəxəssisləri, iqtisadçıları deyir. Asiya və Sakit Okeanda yaranan güc mərkəzlərinin başında Sakit okean dövləti olan ABŞ gəlir. Cənab Lavrov unutmasın ki, ABŞ-ın iqtisadiyyatı dünya iqtisadiyatının 18-20%-ni tutur. Dünyanın ən böyük innovativ elm mərkəzi ABŞ-dadır. Rusiya dünya iqtisadiyyatındakı özünün 0.5%-lik payı ilə çox ötkəm bir siyasət yürüdür və bu siyasətin acısını sanksiyalarla çəkir. Rusiyanın axırı yoxdur. Lavrov kimi xarici işlər naziri, Putin kimi prezidenti olan ölkənin gələcəyi yoxdur".

Səxavət Məmməd
Ölkə.az