Ruhani: \"İran üçün müharibə təhlükəsi artıq yoxdur\"

Bütün ölkələr İrana nüvə texnologiyaları sahəsində yardım etməlidir

Ölkə.Az "IRINN" telekanalına istinadən xəbər verir ki, İran prezidenti Həsən Ruhanı Tehran və "altılıq" ölkələrinin razılaşma əldə etməsi ölkə üzərində müharibə təhlükəsinin qarşısını alıb.

Ruhaninin sözlərinə görə, BMT TŞ-ın İrana qarşı olan qətnaməsinin ləğvi diplomatik korpusun qələbəsidir. O bildirib ki, yeni qətnaməyə uyğun olaraq bütün ölkələr İrana nüvə texnologiyaları sahəsində yardım etməlidir.

Xatırladaq ki, iyul ayında Vyanada İran ilə altılıq ölkələri arasında aparılan danışıqlarda ötən gün razılaşma əldə olunub. Bu razılaşmaya görə, İran daxilində nüvə obyektlərinin təftişi - BMT inspektorlarına hərbi obyektləri təftiş etməyə icazə verilə bilər, amma bu avtomatik olmaya bilər.

İran razılaşır ki, əgər razılaşmanı pozarsa, sanksiyalar 65 gün ərzində bərpa oluna bilər. bundan başqa, BMT-nin silah embarqosu və raket sanksiyaları 5-8 il ərzində qüvvəsində qalacaq.

İran ilə altılıq ölkələri arasında əldə olunan bu razılaşma dünyada birmənalı qarşılanmayıb. Bir çox ölkə İranla "altılıq" arasında əldə olunan razılığı dəstəkləsə də, digərləri tənqid edir.

Rəşid Mustafazadə

Ölkə.Az