Bu qıza kök olduğunu deyib modelliyə qəbul etmədilər

Modeldən dəb sənayesinə sərt ismarıc

Ölkə.Az xəbər verir ki, İsveçdə model olmaq istəyən 19 yaşlı qız fiqurasına görə rədd cavabı aldığı üçün videocavab hazırlayıb.

Ona podium üçün çox böyük olduğunu dedilər. Onun fikrincə, potensial müştəri üçün bədən hissələrinin ölçüləri maraqlı deyil.

Aqnes Hedenqard internetdə yerləşdirdiyi videoda bikinidə öz bədənini nümayiş etdirir. Videodan da göründüyü kimi, bədənində artıq çəkidən əsər-əlamət olmayan 19 yaşlı gəncə modellik üçün çox kök olduğu deyilib.

"Mənə dedilər ki, çox böyüyəm. Onlar düşünür ki, mənim arxam da böyükdür və budlarım çox genişdir. Model sənayesinə görə, mən daha da incə olmalıyam", - deyə Aqnes deyir.

Gənc iddia edir ki, keçmişdə bir çox şəxslər onunla maraqlanıb, ancaq ölçülərini bildikdən sonra hər hansı müqavilə bağlamaqdan imtina ediblər.

Sarışın bildirir ki, onun bədən kütləsinin indeksi (BMI) 17,5 olsa da, modellik üçün ideal indeks 18,5-24,9 arası dəyişir. Onun məqsədi video vasitəsilə model sənayesinin ölçülərə gəlincə nə qədər axmaq olduğunu göstərməkdir.

Sonda Aqnes əlavə edir:

"Özünüzü sevin, heç kəsə sizinlə başqa cür rəftar etməyə imkan verməyin".

Onun videosunu təqdim edirik:

 

Ölkə.Az