Qaynananı yandıran gəlinlərə hökm oxundu
Meyit üzə çıxdığı üçün qətllə bağlı cinayət işi açılıb
Ölkə.Az xəbər verir ki, Tacikistanda qaynananı yandıran gəlinlərə hökm oxunub.
Ölkənin cənubunda yerləşən məhkəmə iki gənc qadını qaynanalarını qətlə yetirməkdə günahkar bilib. Respublika məhkəməsinin mətbuat xidmətindən bildirilir ki, gəlinlərin hər ikisi iki qardaşla evli olublar və eyni evdə yaşayıblar.
Qətl hadisəsi bu ilin may ayında baş verib. Təhqiqata əsasən, qadınlar əvvəlcə qaynananı qəddarcasına döyüb, üzərinə benzin tökərək yandırıblar. Yaşlı qadının qalıqlarını isə çaya atıblar.
Qadınların ərləri analarının yoxa çıxması ilə bağlı milisə müraciət ediblər. Meyit üzə çıxdığı üçün qətllə bağlı cinayət işi açılıb.
Ölkə.Az
