Yaddaşınızı belə gücləndirin

Hal-hazırda insanların ən çox əziyyət çəkdiyi xəstəliklərdən biri də yaddaşsızlıqdır

Yaddaşınızı gücləndirməyin ən praktiki yollarını Ölkə.Az sizlərə təqdim edir.

1.Səhər yuxudan ayılan zaman bibəriyə iyləyin

Qoxular insanların maariflənmə bacarıqlarına dərindən təsir edir. 2003-cü ildə 144 könüllü üzərində aparılan araşdırmada onların uzun və qısa müddətli yaddaşları ilə bərabər diqqət və reaksiyaları da araşdırılıb. Könüllülərdən bəziləri heç bir iyin olmadığı özəl hissələrdə, bəziləri bibəriyə, digərləri isə yasəmən iyi verilən otaqlarda saxlanılıb. Ən yaxşı göstərici bibəriyə iyli otaqdakı iştirakçılarda təsbit edilib. Yasəmən qoxusu isə qısa müddətli yaddaş məsələsində göstəricinin düşməsinə səbəb olub. Hətta bibəriyə qoxusunun diqqəti artırdığı da təsbit edilib.

Beyninizin daha yüksək bir diqqət səviyyəsi və daha iti işləməsi üçün mütləq bibəriyədən istifadə edin.

2.Düzgün qidalarla qidalanın

Sağlıqlı qidalanma yüksək zehni göstəricinin ən əsas şərtlərindən biridir. Əsasən də, üzüm, alma, banan, tünd yaşıl tərəvəzlər, sarımsaq və ya yerkökü kimi antioksit baxımından güclü qidalar seçməkdə fayda var. Antioksitli qidalar sərbəst radikallar deyilən molekulların qana bol miqdarda qarışmasına şərait yaradır. Bunlar beyin hüceyrələrinə zərər verdiyi üçün, antioksid vasitəsilə vəziyyəti tərsinə çevirmək mümkündür. Təbii şokoladı da unutmaq olmaz. Çünki o da antioksit baxımından zəngin bir qaynaqdır. Əlavə olaraq beynimiz omega-3 kimi sağlıqlı yağ turşularıyla gücünü qoruyur. Neyronların düzgün işləməsi üçün omega-3 tərkibli balıq və fındığı bol-bol qəbul etmək lazımdır.

3.Saqqız çeynəyin

Səbəbi hələ də tam aydınlanmamış olsa da, saqqız çeynəməyin yaddaşı gücləndirməsi sübuta yetirilib. Ancaq göstəricini artıran şey saqqızın tərkibi deyil, sadəcə çeynəmə hərəkəti zamanı bədənimizdə və beynimizdəki yaranan dəyişikliklərdir. Saqqız çeynəmək beynin hipokamp hissəsini xəbərdar edərək insülin ifrazına gətirib çıxarır. Yəni bir növ beyni aldadaraq, yemək yeyildiyi siqnalını yollamış oluruq. Amma diqqət və yaddaşı bu səbəb mi artırır, hələki bilinmir.

4.Məntiqi oyunlar

Çətin məsələlər üzərində düşünmək zehni inkişaf etdirir. Məsələn, məntiqi misallar və yaxud krassvord həll etmək eyni anda məntiqi və məlumat yaddaşını işə saldığı üçün daha çox hüceyrənin çalışaraq yaddaşı gücləndirməsinə kömək edir.

5.Müəyyənləşmiş bir vaxt qədər deyil, ehtiyyac duyduğunuz qədər yatın

Neçə saat yuxuya ehtiyyac olduğu məsələsi fərdlərə görə dəyişir. Bəziləri 6 saatı yetərli saya bilər, amma sizin üçün kifayət edən vaxt 9 saatdırsa, o qədər də yatın. Bu həm tamamilə dincəlməyinizə, həm də zehinsəl aktivliyinizə kömək edəcək.

Nəzərə alın ki, beynimiz özünü yuxu zamanı yeniləyir. Həmin gün öyrəndiyimiz və istifadə etdiyimiz hər şey biz yatan zaman yaddaşımıza yazılır. Bunlar əvvəlki xatirələrlə qarışdırılır və yeni xatirələr yaranır. Qısacası, gecə yuxusunu 1-2 saatlıq yuxuyla yola verib günə başlamaq zehnə böyük ziyan verir.

6.İdman edin

Fiziki hərəkətlər sadəcə bədən əzələlərini inkişaf etdirməklə qalmır, həm də beyindəki boz maddə sayını da artırır. Yaşımız artdıqca beynin yaddaş mərkəzi olan hipokamp da balacalaşır. Lakin davamlı idman hərəkətləri edərək hipokampın həcmini böyütmək mümkündür.

 

Şəbnəm Məhərrəm
Ölkə.Az