Pakistan Avrasiya Birliyi ilə ticarət əlaqələri quracaq

"Pakistan və Avrasiya İqtisadi Birliyi arasında azad ticarət haqqında əldə olunan razılaşma qarşılıqlı istisadi münasibətləri stimullaşdırır".

Ölkə.Az xəbər verir ki, bu fikirləri Pakistanın baş naziri Nəvaz Şərif Qazaxıstanın "Ekspress-K" qəzetinə müsahibəsində deyib.

"Pakistan Avrasiya İqtisadi Birliyi ilə azad ticarətlə bağlı müqavilə bağlamaq istəyir. Bu, AİB və Pakistanın biznes qrupları arasında məhsuldar əməkdaşlığa müsbət təsir edəcək. Bu birliyin aktiv üzvü olan Qazaxıstan bu razılaşmanın saxlanmasında faydalı ola bilər", - deyə nazir qeyd edib.

Onun fikrincə, ikitərəfli ticarət əlaqələri mümkün olduğundan olduqca aşağı səviyyədədir.

Avrasiya İqtisadi Birliyi 29 may 2014-cü ildə Belarus, Qazaxıstan və Rusiya tərəfindən imzalanmış müqavilə ilə qurulan siyasi və iqtisadi təşkilatdir. Ermənistanı da Avrasiya İqtisadi Birliyinə daxil edən müqavilə 9 oktyabr 2014-cü ildə imzalanıb.

Birliyin fəaliyyəti rəsmi olaraq 1 yanvar 2015-ci ildə başlayıb.

Rəşid Mustafazadə

Ölkə.Az