Əli Əhmədov və ABŞ səfirinin görüşündə parlament seçkilərinə hazırlıq müzakirə olundu

Yeni Azərbaycan Partiyasının (YAP) sədr müavini – icra katibi, baş nazirin müavini Əli Əhmədov bu gün ABŞ-ın Azərbaycandakı səfiri Robert Sekutanı partiyanın mənzil-qərargahında qəbul edib.

YAP-dan Ölkə.Az-a verilən məlumata görə, görüşdə Azərbaycan və ABŞ arasında qarşılıqlı əməkdaşlıq münasibətlərinin mövcud durumu və inkişaf perspektivləri barədə ətraflı fikir mübadiləsi aparılıb.

Ə. Əhmədov qeyd edib ki, üst-üstə düşən maraqlar ölkələr arasında münasibətlərin bundan sonra da inkişafına əhəmiyyətli töhfə verəcək.

Görüşdə qarşıdan gələn parlament seçkilərinə hazırlıqla əlaqədar həyata keçirilən tədbirlərdən də bəhs edilib.

Ölkə.Az