Çempionlar Liqasında play-off mərhələsinə yekun vurulub
Çempionlar Liqasında play-off mərhələsinə yekun vurulub.
Baş tutan son 5 qarşılaşma ilə qrupda mübarizə aparacaq klubların tam siyahısı dəqiqləşib.
Qazaxıstanın “Astana” kollektivi tarixində ilk dəfə qitənin ən nüfuzlu klub turnirinin qrup mərhələsində oynamaq şansı qazanıb. Qazaxlar Kiprin APOEL klubu ilə keçirilən cavab qarşılaşmasında 1:1 hesablı bərabərliyə razılaşıblar. İlk oyunda əldə edilən minimal hesablı qələbə “Astana” klubuna turnirdə mübarizəni davam etdirmək imkanı yaradıb.
Səfərdə Belçikanın “Brügge” klubuna 4:0 hesabı ilə qalib gələn İngiltərənin “Mançester Yunayted” kollektivi qrup mərhələsinə vəsiqəni təmin edib.
Günün maraqla gözlənilən oyununda Almaniyanın “Bayer” kollektivi doğma azarkeşləri qarşısında İtaliyanın “Latsio” klubunu 3:0 məğlub edərək növbəti mərhələyə yüksəlib.
Rusiyanın MOİK klubu Portuqaliyanın “Sportinq” klubundan üstün olub - 3:1. Rusiya təmsilçisi iki oyunun nəticəsinə görə mübarizəni davam etdirən tərəfdir.
Səfərdə Serbiyanın “Partizan” kollektivinə 2:1 məğlub olmasına Belarusun BATE klubu iki oyunun nəticəsinə görə qrup mərhələsinə vəsiqəni təmin edib.AzərTaC
Ölkə.Az
