Mahaçqalanın sabiq meri terrorçu imiş

Keçmiş mer təqsirli bilinib

Ölkə.Az xəbər verir ki, Rusiya Federasiyası Dağıstan Respublikasının Mahaçqala şəhərinin sabiq meri Səid Əmirov məhkəmə tərəfindən terrorizmdə təqsirli bilinib.

Mahaçqalanın sabiq meri Səid Əmirova qarşı məhkəmədə ömürlük həbs tələb edilmişdi. Şimali Qafqaz dairəsi hərbi məhkəməsinin dinləmələrində prokurora Əmirovla bağlı faktlar təqdim olunmuşdu. 2011-ci ildə mühakim Şimali Qafqazda cinayətkar təşkilatının qurucusu, eyni zamanda, eyni ildə Xəzər sahilində yerləşən “Moskva” ticarət və əyləncə kompleksində qətl hadisəsinin əsas sifarişçisidir. Qətlin vasitəçisi isə onun bacısı oğlu Yusif Caparovdur.

2014-cü ildə Şimali Qafqaz dairəsi hərbi məhkəməsi sabiq mer və onun bacısı oğlunu cinayət işlətdiklərinə görə məhkum etmişdilər. Onlar silah alveri və terror aktları hazırlamaqda günahkar bilinərək 10 və 8 il, 5 ay müddətinə azadlıqdan məhkum edilmişdilər.

Araşdırmalardan məlum olmuşdu ki, onlar Dağıstan Pensiya Fondunun rəhbəri Seyid Murtuzəliyevi öldürməli idilər.

Müstəntiqlərin iddiasına görə, Murtuzaliyev təyyarədə uçan zaman onu portativ zenit-raket sistemi ilə vurmaq istəyiblər.

Rəşid Mustafazadə

Ölkə.Az