Banqkokda terror aktını bozqurdlar törədib?

Onların Türkiyənin "Bozqurd" təşkilatının üzvləri olduğu ehtimal olunur

Ölkə.Az "Bangkok Post" qəzetinə istinadən xəbər verir ki, Tailand polisi türk "Bozqurd" təşkilatını 17 avqustda Banqkokda terror aktında törətməkdə şübhəli bilib.

Bildirilir ki, Banqkokun mərkəzindəki partlayışdan əvvəl 15 gün ərzində Tailandda 20 Türkiyə vətəndaşı olub. Hazırda təhqiqatın diqqəti onlara yönəlib. Məhz bu qrupun içərisində terror aktının təqsirkarları axtarılır. Onların Türkiyənin "Bozqurd" təşkilatının üzvləri olduğu ehtimal olunur.

Təhqiqatın versiyasına əsasən, təşkilat Çindən qaçan 100 uyğurun Tailanddan deportasiya edilməsinin qisasını almaq istəyib.

Xatırladaq ki, 17 avqustda Tailand paytaxtında partlayış baş verib. Rəsmi qurumlar tərəfindən partlayış terror aktı kimi qiymətləndirilib. Hadisə yerinin yaxınlığında daha iki partlamamış bomba aşkarlanıb.

Son məlumatlara görə, terror aktı nəticəsində 20 nəfər ölüb, ölənlər arasında dörd əcnəbi də var. Daha 125 nəfər müxtəlif dərəcəli bədən xəsarəti alıb.

Taylandın müdafiə naziri general-polkovnik Pravit Vonqsuvanın sözlərinə görə, cinayətkarlar Taylandın iqtisadiyyatını və turizmini dağıtmağı planlaşdırıblar, belə ki, partlayış turizm mərkəzi kimi tanınan rayonun mərkəzi hissəsində törədilib.

Rəşid Mustafazadə

Ölkə.Az