Yunanıstanın baş naziri bu qadın oldu

Seçkilərin sentyabrın sonlarında keçiriləcəyi gözlənilir

Ölkə.Az xəbər verir ki,Yunanıstan Ali Məhkəməsinin sədri Vasilika Tanu-Xristofilu keçid hökumətin başçısı təyin olunub.

O, Yunanıstan tarixində bu postu tutan ilk qadın olub. Andiçmə mərasiminin ardından Tanu-Xristofilunun baş nazir kimi səlahiyyətlərinin icrasına başlayacaq.Yunanıstan konstitusiyasına əsasən, baş nazirin istefasından sonra, növbəti seçkilər keçirilənə qədər Ali Məhkəmənin sədri bu vəzifəni icra etməlidir. Ölkədə növbədənkənar seçkilərin nə vaxt keçiriləcəyi həftə ərzində prezident Prokopis Pavlopulos tərəfindən elan ediləcəyi gözlənilir.

Seçkilərin sentyabrın sonlarında keçiriləcəyi gözlənilir.

Xatırladaq ki, Yunanıstanın Baş naziri Aleksis Tsipras Prezident Prokopis Pavlopulosa hökumətinin istefasını təqdim etmişdi.

Televiziya ilə xalqa müraciət edən Tsipras daha güclü hökuməti qurmaq üçün istefasını təqdim etdiyini və xalqdan bunun üçün dəstək gözlədiyini bəyan etmişdi.

Qeyd edək ki, Avropa Sabitləşdirilmə Mexanizminin (ESM) Direktorlar Şurası Yunanıstana 86 milyard avro məbləğində yardım proqramını təsdiqləmişdi.

Rəşid Mustafazadə

Ölkə.Az