"Gecə ilə dağıtdırılaraq zəbt olundu" -xa0 FOTO
“Ölkə.Az” xəbər verir ki, belə hallardan biri “Xalqlar Dostluğu” metro stansiyası yaxınlığında qeydə alınıb. Sosial şəbəkə istifadəçilərindən birinin sözlərinə görə, həmin ərazidə “Kontakt Home” dükanı açılan zaman giriş üçün pilləkənlər piyada səkisinin üzərində inşa olunub, daha sonra isə səki avtomobil dayanacağına çevrilərək tam zəbt olunub:
“Piyadalar hərəkət etmək üçün özlərini təhlükəyə ataraq avtomobil yoluna çıxırdılar. Şikayətlərdən sonra Bakı Nəqliyyat Agentliyi burada əngəlləyici tumbalar quraşdırdı, amma onları gecə ilə kimlərsə dağıtdı. Təkrar müraciətdən sonra tumbalar bərpa olundu”.
Paytaxt sakini kimlərinsə yenidən tumbaları sökməyə başladığını deyir: “Bu tumbalar dövlət hesabına quraşdırılıb və bunu edənlər dövlət əmlakına ziyan vururlar”.
Bakı Nəqliyyat Agentliyindən “Ölkə.Az”ın sorğusuna cavab olaraq bildirildi ki, tumbalardakı sökülmələr avtomobil qəzası nəticəsində yaranıb: “Avadanlıqlar quraşdırılarkən onların sığortası da həyata keçirilir. Artıq sığortaya müraciət olunub və sözügedən tumbalar bərpa olunur”.
Könül
Ölkə.Az
