Pentaqon Rusiya və İŞİD-i əsas təhlükə hesab edir

Eşton Karterdən sərt bəyanat

Ölkə.Az xəbər verir ki, Pentaqonun başçısı Eşton Karter Rusiya və İŞİD terror təşkilatını ABŞ üçün əsas təhlükələr adlandırıb.

O bəyan edib ki, ilk növbədə İŞİD adlanan eybəcər fenomenlə vuruşmaq lazımdır və ABŞ Rusiyanın hərəkətlərinin qarşısını almalıdır.

"Biz milli maraqlarımızdan çıxış edərək bunun qarşısını almalıyıq", - deyə Karter bildirib.

Pentaqon başçısının sözlərinə görə, Rusiyanın Ukraynadakı fəaliyyəti rusiyalıları yanlış istiqamətə aparır.

Xatırladaq ki, bir müddət öncə ABŞ ordusunun quru qoşunlarının qərargah rəisi general Reymond Odierno Rusiyanın ABŞ üçün başlıca təhlükələrdən biri olduğunu bildirmişdi.

Onun fikrincə, NATO-nun qoşunlarının hərbi potensialını Şərqi Avropada artırmaq lazımdır.

Rəşid Mustafazadə

Ölkə.Az