Ucuz ev almaq istəyənlərin nəzərinə: Bu gündən...

"Ölkə.Az" xəbər verir ki, İpoteka və Kredit Zəmanət Fondunun (Fond) satmaq öhdəliyi ilə kirayə mexanizmi çərçivəsində vətəndaşlara təklif etdiyi yeni mənzillərə Abşeron rayonunda daha 81 tam təmirli mənzil daxildir.

Belə ki, Xırdalan şəhəri, Qalubiyyə küçəsində yerləşən yaşayış kompleksi üzrə 1 və 2 otaqlı 27 mənzil, Abşeron rayonu, Bakı-Sumqayıt şossesinin 17-ci km-də yerləşən kompleksdə isə 1, 2 və 3 otaqlı olmaqla 54 mənzil təklif olunur. Mənzillərin aylıq ödənişləri müvafiq olaraq 363 manat və 268 manatdan başlayır.

Vətəndaşlar yaşayış kompleksləri üzrə təklif olunan mənzillərin siyahısı ilə bu keçid (//mcgf.gov.az/menu/202) vasitəsilə tanış ola bilərlər.